ஊடல்

பூவே



உன் பொன் விழியில்

புயல் ஒன்றை காண்கிறேன்..

கொஞ்சம் புன்னகை செய்யடி - ராட்சசி ..



உன் மெளனத்தின் வாசலிலே

எனை கட்டிபோட்டுவிட்டு ..

வன்முறைகள் செய்கிறாயே - ஏனடி..



உன் கொலுசின் ஓசையினை

கேட்கவே ஏங்கும் என் இதயத்தை

விரதம் இருக்க செய்கிறாயே - போடி ..



உன் பிஞ்சு விரலின்

இஞ்சி இடுக்கில் நுழைந்திருக்கும்

என் விரல்களை கெஞ்ச வைக்கிறாயே - சதிகாரி



உன் கன்னத்தில் முத்தமிடும்

என் உதடுகள் இப்பொது

பாலைவனமாய் மாறி கிடப்பதை பாரடி - சினேகிதியே ...